WENDE NYASAYE 182 - 158

1. "Un jo mojony, biuru, Namiu yueyo, An;" Winjuru dwond Ruoth Yesu, owuoyonwa koro; Onyisowa ng`wonone, kaka nowenwa keth; Gi mor mar chuny mosiko, gi hera mochwere. 2. "Biuru, un muruenyo, to anamiu ler;" Dwond Yesu `hoyo chunywa ka mudho imowa Chunywa nepong` gi kuyo, Wang`yo noselalnwa; To osemiyowa mor, Wadende koro. 3. Un jo mool, motho, to Yesu oluongou; Odwaro miu ngima, nokonyu e lwenju; Jasigu tek ahinya, Lweny kedore mager; To waseyudo teko mar loyo jasikwa. 4. "Ng`a manade mabiro ok anajwang`e ngang`;" Ok wanyal go kiawa kwawinjo dwond Yesu; Oluongowa - moketho, wan jo mak winjre ngang`, Gi herane gi ng`wono; Wabironi, Ruodhwa. (Amin)

1. Chungo e adiera e winjo chik Nyasaye; Waluor jo manok moyie jogo gin lang Daniel.           Chungi kaka Daniel, kata in kendi;           Dwar ichungi motegno mond` iland wachno. 2. Ji ma rateke gilal nikech ok gi chung`; Ma dobedo jo Nyasaye da gin gi lang Daniel. 3. Ji mathoth ma rabede ma wuotho e piny; Gore piny matek malich komonj gi lang Daniel. 4. Ting` wach mar ritruok malo nyaka ilochi; Tam Satan gogandane riwri gi lang Daniel. (Amin)

1. Nitie remo ma nosechwer, Ne en remb Immanuel;  Jo maricho koluokoree, Gipwodhore maler.  Gipwodhore maler, Gipwodhore maler;  Jo maricho koluokore, Gipwodhore maler. 2. Jamecho cha e kar thone Noyudo mor kuome;  To an bende ma ok aler, Noluokna kethna te.  Noluokna kethna te, Noluokna kethna te;  To an bende ma ok aler, Noluokna kethna te. 3. Remb Nyarombo ma nonegi, Obedo gi teko  Mar pwodho jogo magene, Ni kik giketh kendo.  Ni kik giketh kendo, Ni kik giketh kendo;  Mar pwodho jogo magene, Ni kik giketh kendo. 4. Nyaka nageno remono Mochwer e Kalwari,  Apako hera mar Jawar, Moherowa kama.  Moherowa kama, Moherowa kama;  Apako hera mar Jawar, Moherowa kama. 5. Ruoth, kat` an ng`a marach kama,Kuom ng`wononi maduong`  Isewara, ilosona, Kar bet ma nyaka chieng`. Kar bet ma nyaka chieng`, Kar bet ma nyaka chieng`  Isewara, ilosona, Kar bet ma nyaka chieng`. 6. To kisechiera a e liel, Miresa a e piny  Anapaki pil...

1 Ruoth Yesu, agombo bedo ng`ati chuth;  In mond` idag e chunya pile pile;  Gol kuoma maricho gi tim ma ok ler;  Luoka gi rembi mond` abedi mapoth.           Luoka mapoth, iluoka mapoth;            Pwodha gi rembi, mond` abedi mapoth. 2. Ruoth Yesu, para gi e polo malo;  Ikonya ni mond` achiwrani chutho,  Misango mangima, maler, malong`o;  Luoka gi rembi mond` abedi mapoth. 3. Ruoth Yesu, akwayoi gi chuny mamuol,  Arito koro ni mondo igwedha;  Rembi mond` oguda kuom duto mak ler;  Luoka gi rembi mond` abedi mapoth. 4. Ruoth Yesu, aling` nyimi ka ageno, Ni mondo ichwena chuny manyien chutho;  To jogo makwayi ok iniriembgi;  Luoka gi rembi mond` abed mapoth. (Amin)

1. Abiro ni msalaba, an ayom, an ng`a modhier; Aweyo gi piny duto, Mond` akwo e msalaba.           An agenoi kende, Nyarombo mar Kalwari;           Ruoth akulora ni In; Yesu Ruoth, mond` iwara. 2. Ayuakni koro, Jawar, Richo e moloyoa; Yesu to wacho niya, "Anawe gi duto te." 3. Achiwoni duto te, ngimana kod tekona; Chunya kod ringra bende, Nobed mari nyaka chieng`. 4. Kuom rembi manochwerna, aseluokora koro; Aweyo gombo duto, analuwi, Jawarna. 5. Yesu bi, ipong` chunya, mond` abed molony kuomi; Abedi maler chutho, mond` apaki nyaka chieng`.  (Amin)

1. Agombo bedo gi Ruodha, nikech agombo bet maler;  En koluoka gi pi gi mach, nabed maler, nabed mapoth.           Ruodha, luoka abed maler; Chunya mondo obed mapoth;            Kata kod mach niluok chunya, richona mond` orum chutho. 2. Kinyisa, kendo ipuonja, nabed mamor, nabed moil;  Ka chunya ler, ka chunya poth, nabed mamor, mamor chutho. 3. Ka pod arem bedo maler, ok anyal ng`eyo puonj maber; Puonja, Muya Maler, Jahoch; Iluok chunya, abed mapoth. 4. Awuon e chunya, ee Ruodha, aseko kwerora matek,  Ni mond` abed maler e Ruoth; To pok ayudo teko, Ruoth. (Amin)

1. Analu bang` Yesu Nyarombo Nyasaye,  Noluoka gi rembe mosechwer;  Hera mare e momiyo `thonwa ka,  Noluoka gi rembe mosechwer.           Noluoka gi rembe, Enoluoka gi remb Nyarombo;            Kata Kethruok dich e chunya manade,            Noluoka gi rembe mosechwer. 2. Analu bang` Yesu Kristo Jakonywa,  Noluoka gi rembe mosechwer;  Rembe e moromo mana ji duto,  Noluoka gi rembe mosechwer. 3. Analu bang` Yesu Kristo jagwethna,  Noluoka gi rembe mosechwer;  Enoyie ni mond` adonji e polo,  Noluoka gi rembe mosechwer. 4. Kethna duto ni mond` ahul ni Nyasaye,  Noluoka gi remb Yesu Wuode;  Mondo miya ngimane ma nyaka chieng`,  Noluoka gi rembe mosechwer. (Amin)

1. Asebayo mabor kod Ruoth, koro aduogo;  Asebayo marach chutho, koro aduogo.           Abiro, abiro, Ruoth abironi;            Yie mondo iruaka chuth,            Ruoth, abironi. 2. Asebayo ndalo mang`eny, Koro aduogo;  Chunya olokreni, Ruodha, koro aduogo. 3. Awito keth kod tim marach, koro aduogo;  Nagen herani kod wachni, koro aduogo. 4. Yesu Ruodha, isewara, An abironi;  Nitho e Kalwari ni an, An abironi. 5. Pwodha gi rembi mochwerna, an abironi;  Luoka, abed maler chutho, Ruoth, abironi. (Amin)

1. Jawar owachona, "Tekoni tin adier;  Oneg` iritri galam, iniyud duto kuoma."           Yesu nochulo, gopena duto;            Richo nosekethoa, noluoka gi rembe. 2. Ruoth, koro aneno, teko mari kende;  Manyalo pwodha maler, kendo golna chuny matek. 3. Aonge gi maber, ageno ng`wononi;  Luoka, guda, pwodha chuth, gi remb Nyaromb Kalwari. 4. Ka nachung` e nyim duong`, nabed molony kuome;  Gi loch duto maayudo, naket e tiend Ruoth Yesu. (Amin)

1. Yesu, kar msalabani, Nitie soko maler,  Aora machango tuo, Machwer a Kalwari.           Kalwari, Kalwari, E kar pakna pile,            Nyaka chunya noyudi, Yueyo e par Nyasaye. 2. Kanyo e kar msalaba, Herani noyuda;  An naluor, to In ing`won, Nimenya gi lerni. 3. Miya paro thoni, Ruoth, Kod rembi mochwerna;  Konya bed buti pile, Ni mond` ichik wuodha. 4. Ruodha, mond asiki Kanyo but msalaba,  Kakiyo be kageno, Biro mari, Ruodha. (Amin)

1. Duto amiyo Ruoth Yesu, amiye chunya duto;  Anahere ndalo duto, analuwe pile ka.           Duto mag Yesu; Duto mag Yesu;            An amiye duto koro, En ma Jawarna. 2. Duto amiyo Ruoth Yesu, anagone chonga piny;  An aweyo mor mag pinyni, kawa Yesu, kawa chuth. 3. Duto amiyo Ruoth Yesu, Losa, abed nyathini;  Miya Roho mari, Ruodha, Orita ndalo duto. 4. Duto amiyo Ruoth Yesu; An ayudo mor maduong`,  Kaparo kaka nowara, nadend nyinge nyaka chieng`. (Amin)

1. Yesu Luongi, we ting`ni mar richo;  Nitie teko e remb Nyarombo; Mondo ilo gik maricho duto, Kuom teko mar remb Nyarombo.           Nitie te...ko, teko miwuoro, (Nitie, teko, teko),            E remo mar Jawar; Nitie te...ko, teko miwuoro,            E remono mar Nyarombo. 2. Yie we paro kod sunga mar chunyi;  Nitie teko e remb Nyarombo; Bi bed maler kuom remb yadh Kalwari,  Kuom teko mar remb Nyarombo. 3. Yie mond` ibed matar moloyo pe,  Nitie teko e remb Nyarombo; Noruch keth duto ibedi maler,  Kuom teko mar remb Nyarombo. 4. Yie mondo itim tich Ruodhwa Yesu,  Nitie teko e remb Nyarombo; Yie mond` idend nyinge ndalo duto,  Kuom teko mar remb Nyarombo. (Amin)

1. Nitie ng`ama noyie tho mondo owara,  Mondo an marach ayud ngima.  Kendo yor kalwari noluwo kodhi tho,  Mondo owe richona duto.           Richona osegur, richona osegur,            Noyie ting`o richona malich;            Yesu nodhi e tho gi chandruok malich ngang`,           Koyie ting`o richoga duto. 2. En mang`won kendo ber, okecha pile ka  Oluoko chunya be mochido. Aonge bura moro, an thuolo chutho  Nikech kethna duto nosegur. 3. Anasik kuom Jawarna, ok anaweye,  Anawuoth gi mor ndalo duto, Ka awer gi dhoga kod wend pak e chunya,  Nikech kethna duto nosegol. (Amin)

1. In Kiol nikech chandruol e chunyi, Dhi inyis Yesu parruokni duto; Onge osiep moro kaka Yesu, Dhi inyis Yesu kende.           Dhi inyis Yesu chandruokni duto,           En e Osiep migeno; Kata richo osepong`o chunyi,           Dhi inyis Yesu Kende. 2. Kata mirima ohingo chunyi, Dhi inyis Yesu parruokni duto; Ting` mapek kodwaro loyo chunyi, Dhi inyis Yesu Kende. 3. In kiluoro chandruok gi masiche, Dhi inyis Yesu parruokni duto; Kik ichandori ni gi mabiro, Dhi inyis Yesu kende. 4. Ka luoro mar tho obwogo chunyi,  Dhi inyis Yesu parruokni duto;  Kidwaro bedo e pinyruodh polo,  Dhi inyis Yesu kende. (Amin)

1. Nitie ngima kwang`iyo msalaba;  Yesu wacho, "Ng`iyauru."  Mwandu mar piny en gi mokadho,   Mwandu mosiko ni kuom Ruoth Yesu.           Kwang`iyo, nitie ngima, Ka wang`iyo msalaba.            Wanayud warruok chutho, Kwang`iyo yor Kalwari. 2. Ka nakwongo ng`iyo wang` Jawarna,  Nong`iyoa gi wang` mang`won;  Kendo ka temruok dwaro loya,   Nayud teko kang`iyo msalaba. 3. Nang`i msalaba ndalona duto,  Kageno singruok mar Nyasaye;  Satani ok onyalo loyo   Jogo mageno teko mar polo. (Amin)

1. Ka Satan otemi, kodwaro loyi, Ka chunyi oani e masicheni; Par Yesu Jawarni ndalo mokonyi, En nosiri koro, pod oheroi.           Kwan gweth magi, hul achiel achiel,           Kwan gweth magi, ne tich mar Nyasaye;           Kwan gweth magi, hul achiel achiel,           Kendo iniwuor gi ma Ruoth notimo. 2. Koso in Jakristo man gi chuny mapek, Ting`o msalabani bedo matek? Par Yesu Jawarni, Chuny mapek noa, Iniyud mor koro, kaa e piny ka. 3. Kineno jo moko man gi pith mag piny, Mwandugi nokadhi ndalo giko piny; Par Yesu Jawarni, Ruoth polo malo. Gen moloyo Kristo gi pok masiko. 4. Kendo e lwenje mond` ibed ng`at mager, Wach mar miriambo lo gi wach maber; Yesu ma Jawarni gi malaika, Ginimor moloyo e polo kucha. (Amin)

1. Anayie Ruoth Yesu kende, asewinjo wach mare;  Onge gi manyalo loyo ng`ato mogeno Yesu.           Anayie, anayie, anayie wachne kende;            Anayie, anayie, anayie wachne kende. 2. Kethna duto awe kuome, enoluoka gi rembe;  Enorita nyaka chieng` ka notera ka Nyasaye. 3. Koro ok aluor gi moro, chunya koro genoi;  Kata yora timo mudho, Yesu ni lerna pile. 4. Chunya amiyo Ruoth Yesu, ringra bende amiye;  Ndalo duto enorita nyaka chieng`ma noduogi. (Amin)

1. Geno Kristo kelonwa mor, Kwawuotho e piny ka;  Ohoyo chunywa kwawuotho, E pinyni mar chandruok;  Ohoyo chunywa kwawutho, E pinyni mar chandruok 2. Onyisowa piny mar yueyo, Kar dak mar jo maler;  Wanarom gi jomwahero, Pogruok onge kendo;  Wanarom gi jomwahero, pogruok onge kendo. 3. E piny ma keth ok nyal donjo, Ok wanayud temruok; To wanabed gi mor maber, Ma ok nyal kethre ngang`; To wanabed gi mor maber, Ma ok nyal kethre ngang`. 4. Pi wang` onge ka maberno, Tho ok nodonj kanyo; Duto modak kanyo, nochal Gi jomalaika; Duto modak kanyo, nochal Gi jomalaika. 5. Ndalo mondo runwa piyo; Jawarwa Yesu, bi! Wagombo neni kak` ibet, Wadag kodi kucha; Wagombo neni kak` ibet, Wadag kodi kucha. (Amin)

1. Nyasaye noolnwa gweth polo, Kaka koth chwe e piny; E ma nosingo kod joge, E ma nokelnwa kony.           Gweth moa e polo, E ma wadwaro chutho;           Ruodhwa, ikechwa, wasayi; Ole kuomwa tinende. 2. Nyasaye noolnwa gweth polo, Mond` ochiew chunywa koro; Kaka koth biro maduong`ngang`, Aore duto kopong`. 3. Nyasaye noolnwa gweth polo, Enonyiswa ng`wonone; Olnwa ni mondo wachungi, Mondo wadongni, Ruodhwa. 4. Nyasaye noolnwa gweth polo, Mondo ogudhnwa koro; Wanahul kethowa duto, Yienwa, Yesu, kwaluongi. (Amin)

1. Ka chandruok osudo machiegni kodi,  Ka yo man e nyimi otimo mudho,  Nitie ler mogwedhi man kuom Ruoth Yesu,  Monego ing`i mondo ilo temruok.           Ne ler Yesu kaka orieny maler,            Ler mogwedhi mariembo luoro;            Ng`i wang` Yesu mudho noringi            Gen Yesu kende nikech en machiegni. 2. Kata ok ing`eyo tiend ting`ni mapek,  Mosechandi e ngimani e piny ka;  Mond` iting` msalapi e chandruok duto,  Kendo igen Yesu ndalo duto te. 3. Dhi nyime kuom yie mondo ilo temruok,  King`eyo ka Jawar ni buti pile;  Kata ka lweny tek to kik chunyi oa,  Jawar nokonyi mondo ilo temruok. 4. Kata lweny ger chutho,  kata kuyo thoth,  Kata temruok duong` machiegni hingoi;  Ruoth ni buti pile nomiyi teko,  Mar loyo temruok duto mabironi. (Amin)

1. Beduru gi yie kaka Yesu, kaka noteme gi Satani;  To En noloyogo e thim, Nyasaye ne mor ahinya.           Nyithind Nyasaye moruru, weruru duto Alleluia;            Beduru kulamo Nyasaye, kugene ndalo duto te. 2. Beduru gi yie kaka Yohana, kaka notiyo ni Nyasaye;  Notere e chula mar Patimo, Ne oyudo chwat malit. 3. Beduru gi yie kaka Yakobo, kaka nobedo gi Nyasaye;  Moneno ngas moa polo, Jomalaika ne gintie. 4. Beduru giyie kaka Yosef, kaka nobedo gi Nyasaye;  Noloyo tem ma nothung`e, E od Ruoth Farao. 5. Beduru giiyie kaka Elija, kaka nobedo gi Nyasaye;  Notere e polo kongima, e gari moliel mach. 6. Beduru gi yie kaka Daniel, ma nene obole e bur sibuoche; Gokinyi noyude kongima, Dario ne owuoro ngang`. 7. Beduru gi yie kaka Esta, kaka nokonyo Joyahudi;  Nokonyo chunye mang`eny, Nikech wach mar Nysaye. 8. Beduru gi chuny mabeyo, kaka chuny Jonabi;  Jo moko notho gi ligangla, jo moko negi...

1. Chunyi dich nikech parruok, Dak imi Yesu kinde?  Weche piny otweyoi, Dak imi Yesu kinde? Ne ochungo e dhoot Odwong`o mond` iyawne;  Winje koro kosayo- Dak imi Yesu kinde. 2. Saa okadhoni nono, Dak iti tich mar Yesu?  Nyasaye nomiyi teko, Mond iti tich mar Yesu, Dak item loyo richo, Dak ikony jo moketho,  Dwaro jogo mobayo yo, Dak iti tich mar Yesu? 3. In midwaro gik mag piny, Dak ipar Yesu Ruodhwa?  Yaw chunyi ni tim maber, Kitiyo ni Ruoth Yesu,  Mor mag piny gi mwandune, Kelo mor e chuny dhano;  To ok en mor mosiko; Dak wami Yesu kinde? 4. Ka dwabed pot yath kende; To ok wanyag olembe.  Luetewa nobed nono, Ndalo maduong` mar keyo;  Onge gi mwakel chieng`no, Tichwa nobedi kayiem,  Mi ok wanayud mor ngang`, Kwaromo gi Ruoth Yesu. (Amin)

1. Un muhero Ruodh polo, Weruru kuwuotho ka; Wendewa omedo duong` Ni Yesu ma Jawarwa. 2. Wan wadwaro piny maber, Kaka kwerewa machon; Yesu e motelonwa, Obedo Jakwath mang`won. 3. Kik waluor masiche wuoth, thurwa koro chiegini; Wanane Jatelowa, Ok nowewa nyaka chieng`. 4. Wuothuru, Jowetewa; Kik wariwre e wang`yo; Yueyo to oritowa, Wanacham mwandu kuno. (Amin)

1. Nyasaye ni lerna, koro ok aluor! E mudho , e chieng`, to En koda pile; Owara e kethruok, ohoyo chunya; Amor gi Yesu moherowa kama.           Nyasaye ni lerna, morna gi wenda;           Otelona pile e piny ka marach;           Nyasaye ni lerna, morna gi wenda;           Otelona pile e piny ka marach. 2. Nyasaye ni lerna, e chandruok duto, Kata ok anene, chunya ogene; Mudho mar Satani ok anoloya Ka Yesu obedo koda. 3. Nyasaye ni lerna, kendo tekona; Ang`eyo e tekono anyalo lo; Oumo yomna gi duong` mare; Kawuotho gi Yesu koro ok aluor. 4. Nyasaye ni lerna, adware kende; Mudho onge chutho ka an kod Yesu; Koro En Jawarna, bende Jakonywa, Gi Malaika anapake pile. (Amin)

1. Koro wagenoi, Yesu mar Kalwari, Yesu Ruodhwa; Winjwa kwalamoi, Gol kethruokwa oko, Konywa bedo maber pile pile. 2. Ruoth, nyiswa ng`wononi, Jiw chunywa, itegwa, Mednwa geno; Kaka nisethonwa, Miwa heri chutho Gi hera mosiko, Mak lokore. 3. Ka wadak e piny ka, ka chunywa okuyo, Yesu konywa Ruodhwa, dag e chunywa, Bedi Jahochwa ka Chieng` moro iterwa Polo malo. (Amin)